[箱根梳干] 和モダン風旅館‧靜觀莊‧位置及房間篇

之前都有提起舊公司在我離開前送了我兩張東京的機票
另外還有兩晚的Shangri-la Tokyo住宿...

但係飛一轉東京都唔會只係留兩晚咁少吧?!
基於小妹唔係一個shopping精  (謎之聲: 鬼叫你窮咩...)
亦因為喜歡去多d鄉郊之地吸收天地靈氣
所以同H先生就想加多兩晚去東京的近郊

揀黎揀去結果都係揀番大家各自去過的箱根
決定地點同日子之後二話不說上左jalan 搵房
可能plan得比較遲所以好多岩budget的旅館都一早full晒...



好不容易比我搵到一間在箱根湯本只有9間房的和宿 - 「靜觀莊」
仲要有promotion 50% off 既おまかせ (omakase) plan
*  おまかせo係呢度既定義係你冇得揀定要邊一間房
上佢地個website仲要比jalan再平多少少，即‧決‧無‧慮！

Omakase plan入面其實都有兩種選擇
分別係房入面有埋私人風呂+眺望山景，
同埋房間冇景觀私人風呂另外o係basement的
價錢差距前者要多10000yen/一人...
考慮過性價比之後我地都係揀左後者。

我地由羽田機場落機就坐京濱急行去品川轉JR去新宿
新宿落車再去小田急買Romance Car express,
加加埋埋應該3個鐘就到箱根湯本
落左車本身站出面有一架$100yen的shuttle bus上山的
鬼叫我同H先生左睇睇右睇睇之後走左架車
睇下Google Maps又好似話15分鐘walk就諗住行上去都ok...



點知...15分鐘變左30分鐘 (!!!!!)
就係因為圖中0個條紅色係一條好斜既山路
拖住2個喼既我地，行到差唔多天黑先到...orz


和モダン(modern)風形造的就係呢種簡單的低調
好彩o係出發之前有見過個door front係咩野樣
唔係真係有機會行過左都唔知 -__-



入到去首先要除左鞋先 (因為成間旅館都舖左tatami)
之後行入去就見到呢個咁靚既check-in counter
staff入面有一位係英文ok的，因為我出發之前都有同佢通過email
所以我同H先生其實一入門口佢都已經知係我地

話就話係揀左omakase plan，
但係我地既待遇係同比原價的客人絕對冇分別
填好晒d需要的資料之後，旅館的女將就帶我地上一樓的「藤黃」



一入房，wow。
擺低行李之後冇耐女將就拎左d welcome snack比我地 : )



我地今晚的晚餐同第二朝的早餐也將會是在房內食的～



以上有Ｈ先生示範「訓左落去唔識起身」!
雙人床雖然係兩張單人合併 (中間感覺到有條gap...)
不過因為比一般日式旅館的要厚身
所以訓得好舒服啊。



早餐都係房入面食的!!!
不過同晚餐唔同既係早餐會一次過上晒所有野
所以感覺好似震撼好多, 擺到一檯都係
食完早餐連比錢都係房內辦妥, 非常有私隱度。

因為一篇實在寫唔晒，所以[箱根梳干]將會分成以下3篇喔。

伸延閱讀:
[箱根梳干] 和モダン風旅館‧靜觀莊‧房間篇
[箱根梳干] 和モダン風旅館‧靜觀莊‧晚膳篇
[箱根梳干] 和モダン風旅館‧靜觀莊‧溫泉篇

靜觀莊
神奈川縣足柄下郡箱根町湯本茶屋19
Tel: (+81) 460-85-5795
http://www.seikansou.jp

[食在Soho] 小街上的比利時滋味窩夫 Wafffle!

在舊公司的時候，久不久就會有人走
那兩年多的時間，散水這回事就真係一個月總有一兩次
唔知係唔係因為公司係創意工業下的一員關係
散水餅的選擇亦比較多姿多采～

計食過的散水野包括：無數的魚蛋燒賣，生果盤，乳豬，
cupcake (sift, kisses, 網上店的, 自家製的...)，泰昌蛋撻／沙翁，
永樂園孖腸熱狗，macaron，非連鎖餅店出品的切餅，八方雲集，
paisano的超大件pizza，超豪華刺身壽司，生蠔／翡翠螺

上個月到我做散水，淨係希望可以突破下上面堆野
結果，除左平時屬於鐵膽的魚蛋燒賣冇走雞之外
我就決定加埋先前食lunch經過的wafffle!喇～



嘉咸街街市的那條斜路兩旁隱藏左唔少既特色小店，
WAFFFLE!就係正正在大熱waffle店green waffle diner再行上多少少
對面亦有午市定必爆場的森壽司。



Green Waffle Diner同Wafffle!唔一樣，
前者serve的係比較方正而軟身的Brussel窩夫，多數係食早餐的配搭
後者反而係近似正宗的Belgium Liege窩夫，屬甜點
每個waffle呈不規則形狀，而且亦比較厚身
表面仲有一層薄薄的脆糖，所以唔駛加任何糖漿都已經可以就咁食



Wafffle!有三款窩夫口味，分別是 Classic、 Devil朱古力味同weekly special
(曾經見過的有raspberry同埋apple & cinnamon, 有咩味真係要睇彩數)

toppings都有幾多選擇: whipped cream, nutella, kiwi jam, strawberry jam,
choco sauce, peanut butter仲有新鮮生果如strawberry, banana同kiwi



Wafffle最低消費係$23既classic (包一個toppings,如上圖)
如果咁岩有位既我絕對recommend大家要vanilla ice-cream!
一冷一熱的滋味 (多謝on duty的那位姐姐另加的choco sauce)
就算食完lunch飽左都想食，下次再來的話我會想要nutella+banana!  



WAFFFLE!
中環嘉咸街41至43號地下B鋪
星期一至日: 11:00-21:00 
http://www.openrice.com/restaurant/sr2.htm?shopid=142693

[食在紅磡] 隱世誠意小店‧金來家 刺身壽司

其實前前後後都去了呢間小店兩三次
偶爾發現都係多謝H先生的介紹。

小店話得係小店就真係唔係坐得太多人
但勝在地方細細同朋友講野都好似cozy D
老闆亦好落力介紹每一道菜，又或者有D咩野係時令

最上面的三文魚蟹肉卷
食得出蟹肉係似鮮拆而唔係一般蟹柳貨色



某一次一早訂左要的加拿大海膽!
海膽超大件，以青瓜配搭一爽一滑，正~
(老闆話如果有D咩特別野想要既都可以訂位時講埋架!)
 
上面亦係老闆推介的卷物
冇記錯係睇落平凡的加州卷之上加料
加州卷同大大粒的三文魚子出奇地好夾!





Order的握りすし當然係即叫即整啦
是日推介有和牛同鵝肝啊 一樣咁肥美
另外值得一提的係中間的醋鯖魚係由老闆自家醃的
食落唔係出面的咁死實同一味得個酸字



老闆話係新作，叫我地試下味而送的
章魚刺身唔點平時點開的wasabi同豉油
用上意大利的olive oil同香草，別有一番風味



除左刺身壽司出色之外，佢地既熱食亦非常唔錯
上面的炸墨魚咀的炸粉唔似平時般的厚
薄得黎真係有酥脆的感覺，如果有啤酒就真係一流喇



另外牛小扒質數真係好靚，
雖然我唔清楚有冇d咩grade，不過食落牛油香出晒黎
唯一有小小小扣分位係個切法係順紋切
所以咬落有少少筋 亦都同師父反映左。



呢碟天婦羅一出場個個嘩聲四起
因為實在炸得太靚喇，蝦隻隻都大隻爽身
仲要睇埋下面張吸油紙真係冇咩油架，師父功架真係唔話得~



最後仲有呢個生朱古力做甜品
質感我覺得真係同royce的有得比喎。



金來家 刺身壽司
紅磡馬頭圍道23-35號H隆基大樓48號地下
Tel: 2333 4121
星期一至六: 11:00-15:00; 18:00-22:00 星期日休息
http://www.openrice.com/restaurant/sr2.htm?shopid=146055

[煮飯仔] Le Creuset 26cm buffet開光禮‧西班牙海鮮飯

緊接上一篇，買左個buffet番黎幾個星期先有時間開光
今次揀左用鬼嫁 (link呢度) 既recipe再改左少少野
相對上次整窩蛋牛煲仔飯黎講，其實我覺得整paella仲容易handle!

[敗家文] Le Creuset Buffet Casserole 26cm

好多人都知上兩個星期LC香港開倉

開倉的第一日我身在日本所以冇得去 (泣)

不過! 經過上次去完輕井澤outlet見到唔買之後自己後悔

結果今次去箱根經過御殿場outlet就....出血了。

H先生幫佢家姐買左個seconds既18cm round cocette

價錢大概$12000yen, 話就話係seconds

但係其實check過都冇咩大花痕, 係個色比本身淺左少少同個蓋有少少唔平

而店入面d姐姐都搵左好多個比我地直至搵到個平既為止

如果係自用的話，其實seconds真係幾抵買架。

而我買左個49%off的26cm buffet casserole set

(連4個ramekin stoneware小杯! 可以用黎當streamer了)

本來係有少少想買marmite的, 但懶得養煲就算了吧 哈哈

下一回: 26 buffet開光禮‧四人份西班牙海鮮飯！

 來開箱一下

一貫橙色的盒子

tada! 26cm的buffet鍋子

跟之前送給H先生的18cm round cocette和grill pan
是同屬blue cobalt這個色系喔。

(本來想買spinach色的但最後發現了這個last one...天意吧)

最後不要臉地出賣一下剪了短髮的自己...。

Le Creuset - Gotenba Premium Outlet
電話:0550-81-3112
地址:静岡県御殿場市深沢1312
網址:http://www.premiumoutlets.co.jp/gotemba

[食在上環] 出街煮飯仔‧Secret Ingredient

可能好多食友都已經聽過secret ingredient
大多都知佢地有速遞食材的服務，方便打工仔唔駛買菜都可以自己煮飯
（又係好好彩既關係）舊公司book左呢度做員工活動的地方
我先知佢地本店原來係可以book黎做private kitchen/dinner架！

店子在上環POHO的太平山街
跟先前介紹的茶家很近。

呢一晚煮的係mexican cuisine
頭盤有smoked salmon with cream cheese & dill
都係一道好classic的菜色, 但係我就唔太清楚係唔係mexican喇...

由於煮野食既時候空唔到手出黎影相
所以只好用文字交代一下~

我地呢一晚有6個人 (5個HK女仔一個鬼佬)
而導師有2位鬼佬 (好似仲有一個助手, 都係鬼的)
以兩人一組為單位，基本上都係由頭開始落手做
唔會好似「方太與你」咁一早整定晒咁。





煮好既時候就大家圍埋張檯度一齊食
我地今晚煮左3樣野:
Chicken Quesadillas 墨西哥起司雞肉餅
Guacamole 牛油果莎莎醬
Tomato Salsa 蕃茄莎莎醬



大家亦不妨去佢地個website睇下
佢地平時既takeaway recipe都唔錯架 : )
30分鐘既preparation time就可以整到一個星級晚餐!



Secret Ingredient
上環蘇豪太平山街32-34號地下
Tel: 2108 4000
www.secretingredient.com.hk/‎