[箱根梳干] 和モダン風旅館‧靜觀莊‧溫泉篇

箱根梳干來到第3回了!

今次要講的係靜觀莊的溫泉設施

成間旅館加埋得9間房，但係每一間都有自己所屬的風呂

分別只係在於風呂是否於房間之內

而我地book的房間所屬的風呂，就係要行落去basement的個室

 

有得鎖，所以唔會怕有人撞入黎啦 A_A

 

 每一個風呂個室都有獨特的名稱

 

 全木的半露天環境，出面全部都係樹林
不過行出D 其實會見到條小徑...
都係小心D好 :shy:

 

 除左個室之外，亦都有足浴的設施
晨早流流起身出黎浸一浸真係好爽呀。

 

因為去的時候都仲係追趕夏天的尾巴
本來諗住拎隻ブタ君就應該可以冇問題...
結果都係...被咬。
郊外地方冇辦法啦哈哈

呢一張唔係_____相啦..
只係試用canon wifi app的成果
借了朋友的6D來用，真的不錯可惜$$$$$$啦。

 

日與夜的感覺相差很大呢
白天的感覺比較寧靜，會有雀仔吱吱咁叫
夜晚D煙會現D，感覺好似迷幻D咁哈哈

 

伸延閱讀:
[箱根梳干] 和モダン風旅館‧靜觀莊‧房間篇
[箱根梳干] 和モダン風旅館‧靜觀莊‧晚膳篇
[箱根梳干] 和モダン風旅館‧靜觀莊‧溫泉篇

靜觀莊
神奈川縣足柄下郡箱根町湯本茶屋19
Tel: (+81) 460-85-5795
http://www.seikansou.jp 

[失驚無神] 我要回來了‧melbourne!

上一次回去已經是3年前的事了
突如其來的假期，掙扎了很久我應否買的機票
想了想，真的沒有這樣「想去就去吧」 的機會幾多次

我最掛念的地方，我要回來了!!

[終極出血文] iPhone 5s入手‧竟然可以賺asiamiles!

好喇好喇...11月黎到月尾喇終於！
我個銀包繼淘寶，asos同一堆團購之後
已經去到嚴重乾涸的地步...
不過，敗家不嬲都係無‧止‧境‧架‧啦

[食在中環] 不一樣的Caesar‧On Lot 10

超‧美‧味的US Angus Sirloin

[箱根梳干] 和モダン風旅館‧靜觀莊‧和式晚膳篇

再唔寫呢篇我就好大機會又走數架喇...
咁岩呢排有朋友黎緊會去箱根問我揀邊間旅館
就等我快快脆寫埋呢篇同埋下次既溫泉篇啦。

[網購出血文] 淘寶雙十一‧戰利品實物

上次講過淘寶雙十一買左D咩野
隔左一個星期之後終於送到黎喇!

今次考慮到由唔同店舖都有野買
唔可以好似之前咁一間買晒黎令個郵費平D
咁岩佢地推廣緊官方的國際轉運服務
我就揀左平時都會用的順豐速運黎做轉運喇。

轉運的原理就係國內件首先寄晒去一個地方
(香港的話，轉運站多數會係深圳)
集埋所有件之後先一次過寄黎香港
咁就會平左每一件貨分別要寄黎既運費了。



兩隻漫畫格三分陶瓷碟都冇穿冇爛 (呼)
只係下面那隻的左下角有少少甩油
(不過本身賣家都話係有少少瑕疵的了...nvm吧)



Gracegift的牛津雕花筆直金扣中跟修身長靴
本身著37號的我已經好穩陣地買大d要38號
腳位有少少鬆，著番厚襪應該冇問題
只係個筒位有點點窄...睇怕都要著多幾次先會鬆番d..
(謎之聲：明明就係你個腳瓜太勁之嘛...)

東京著衣的就下次先再share吧 : )

[食在九龍塘] 星期日的午後陽光‧ Greyhound café

香港的秋天總是那麼短暫

不到一個月的時間內，有晴天的週末更加是少之又少

食fusion泰菜的Greyhound Cafe不是第一次來

不過在這個頂層的位置有陽光的時候

數來上一次已經是Simplylife Bakery Cafe未搬之前了。

[網購出血文] 這個11月買太多‧淘寶雙十一＆團購

既然都出得fanfares文
就繼續同大家報告我的敗家之路啦 呵呵

唔知係唔係天氣開始凍既關係
越黎越唔想出街行
但人的洗錢欲望總唔會因為出唔到街就消失
開始左11月既呢2個星期...
小妹在網上出血指數為平日的1000%

前日淘寶雙十一有大減價
見到咁多野係咁打折
都好難唔出番多少血，為那$350億的營業額出一分力 (握拳)

首先有Gracegift
>>秋冬新款牛津雕花筆直金扣中跟修身長靴
想買長靴好耐但一直都想搵有少少踭的
本來睇岩另一對，不過見呢對個脾圍闊少少
寧願買個保險，好過買左番黎之後著唔落嘛。


http://detail.tmall.com/item.htm?id=20278265785&spm=a1z09.5.0.0.OZHBwr

另外有同是來自台灣的東京著衣
之前去台灣時行過佢地既實體店，覺得質量都算唔錯
其實如果有得揀的話，我可能會揀番簡約風的店子多d
but anyway...女人買野都係冇原因架啦 (汗)


http://item.taobao.com/item.htm?spm=a1z09.5.0.0.EfZuDs&id=35613707451


http://item.taobao.com/item.htm?spm=a1z09.5.0.0.DKKgzF&id=35516347424

[失驚無神] 我‧搶‧到‧CX $50 Fanfare啊!!

就算最後去唔到，$50這個價位真的是有今生冇來世啊。
多謝H先生今朝7:55分收call不問因由就直接同我去買。

[食在灣仔] 三分二的甜美‧2/3 Dolci

睇過好多唔同blogger的post
都有印象見過有提起呢間只係開左短短3個月的店子
呢日忽然有約經過灣仔
見仲有少少時間就行左上去星街探險一下。


(因為行到店子既時候天開始黑，唯有借圖一下)

星街對我黎講係一個聽得多又冇去過既地方
地點其實真係唔就腳，就算灣仔MTR出黎都仲要行10分鐘
揀左行入去2/3 Dolci都只係因為之後有晚飯要食唔想食太飽而已。



店面小，只有4個位可以堂食
岩岩好有位，叫左2件cake同H先生分享
上面呢個係Caramel Chiffon Cake- leggero caramello
戚風蛋糕鬆軟就真如其名，似一陣風咁輕身
伴以焦糖忌廉外層及朱古力脆脆，唔會有一般食焦糖的甜膩感

2/3 Dolci這個caramel chiffon隻味道
有少少令我諗起Sevva的Crunch Cake
只係相對黎講，真係比後者的減了甜
(哈 可能係因為同店名一樣只係有2/3的甜?)



另外H先生揀左呢件睇落平凡
但食落好有驚喜的Blueberry Cheesecake
cheesecake特別之處係冇左餅底
唔會比牛油消化餅搶左本身cheese的味道
食落有點點的blue cheese味，而且質地亦幼滑非常。

同店主傾開，所有cake都係made from scratch
冇因為方便又或者係成本的關係，用上現成的材料
食落更加了解那份誠意。



難得嘴刁的H先生也覺得他們的coffee不錯
喜歡喝咖啡的大家就可以去試試啦 : )



2/3 Dolci
灣仔星街2號地下K號舖
Tel: 3426 9883
星期一至日: 11:30-20:30
http://www.openrice.com/restaurant/sr2.htm?shopid=143759

[箱根梳干] 和モダン風旅館‧靜觀莊‧位置及房間篇

之前都有提起舊公司在我離開前送了我兩張東京的機票
另外還有兩晚的Shangri-la Tokyo住宿...

但係飛一轉東京都唔會只係留兩晚咁少吧?!
基於小妹唔係一個shopping精  (謎之聲: 鬼叫你窮咩...)
亦因為喜歡去多d鄉郊之地吸收天地靈氣
所以同H先生就想加多兩晚去東京的近郊

揀黎揀去結果都係揀番大家各自去過的箱根
決定地點同日子之後二話不說上左jalan 搵房
可能plan得比較遲所以好多岩budget的旅館都一早full晒...



好不容易比我搵到一間在箱根湯本只有9間房的和宿 - 「靜觀莊」
仲要有promotion 50% off 既おまかせ (omakase) plan
*  おまかせo係呢度既定義係你冇得揀定要邊一間房
上佢地個website仲要比jalan再平多少少，即‧決‧無‧慮！

Omakase plan入面其實都有兩種選擇
分別係房入面有埋私人風呂+眺望山景，
同埋房間冇景觀私人風呂另外o係basement的
價錢差距前者要多10000yen/一人...
考慮過性價比之後我地都係揀左後者。

我地由羽田機場落機就坐京濱急行去品川轉JR去新宿
新宿落車再去小田急買Romance Car express,
加加埋埋應該3個鐘就到箱根湯本
落左車本身站出面有一架$100yen的shuttle bus上山的
鬼叫我同H先生左睇睇右睇睇之後走左架車
睇下Google Maps又好似話15分鐘walk就諗住行上去都ok...



點知...15分鐘變左30分鐘 (!!!!!)
就係因為圖中0個條紅色係一條好斜既山路
拖住2個喼既我地，行到差唔多天黑先到...orz


和モダン(modern)風形造的就係呢種簡單的低調
好彩o係出發之前有見過個door front係咩野樣
唔係真係有機會行過左都唔知 -__-



入到去首先要除左鞋先 (因為成間旅館都舖左tatami)
之後行入去就見到呢個咁靚既check-in counter
staff入面有一位係英文ok的，因為我出發之前都有同佢通過email
所以我同H先生其實一入門口佢都已經知係我地

話就話係揀左omakase plan，
但係我地既待遇係同比原價的客人絕對冇分別
填好晒d需要的資料之後，旅館的女將就帶我地上一樓的「藤黃」



一入房，wow。
擺低行李之後冇耐女將就拎左d welcome snack比我地 : )



我地今晚的晚餐同第二朝的早餐也將會是在房內食的～



以上有Ｈ先生示範「訓左落去唔識起身」!
雙人床雖然係兩張單人合併 (中間感覺到有條gap...)
不過因為比一般日式旅館的要厚身
所以訓得好舒服啊。



早餐都係房入面食的!!!
不過同晚餐唔同既係早餐會一次過上晒所有野
所以感覺好似震撼好多, 擺到一檯都係
食完早餐連比錢都係房內辦妥, 非常有私隱度。

因為一篇實在寫唔晒，所以[箱根梳干]將會分成以下3篇喔。

伸延閱讀:
[箱根梳干] 和モダン風旅館‧靜觀莊‧房間篇
[箱根梳干] 和モダン風旅館‧靜觀莊‧晚膳篇
[箱根梳干] 和モダン風旅館‧靜觀莊‧溫泉篇

靜觀莊
神奈川縣足柄下郡箱根町湯本茶屋19
Tel: (+81) 460-85-5795
http://www.seikansou.jp

[食在Soho] 小街上的比利時滋味窩夫 Wafffle!

在舊公司的時候，久不久就會有人走
那兩年多的時間，散水這回事就真係一個月總有一兩次
唔知係唔係因為公司係創意工業下的一員關係
散水餅的選擇亦比較多姿多采～

計食過的散水野包括：無數的魚蛋燒賣，生果盤，乳豬，
cupcake (sift, kisses, 網上店的, 自家製的...)，泰昌蛋撻／沙翁，
永樂園孖腸熱狗，macaron，非連鎖餅店出品的切餅，八方雲集，
paisano的超大件pizza，超豪華刺身壽司，生蠔／翡翠螺

上個月到我做散水，淨係希望可以突破下上面堆野
結果，除左平時屬於鐵膽的魚蛋燒賣冇走雞之外
我就決定加埋先前食lunch經過的wafffle!喇～



嘉咸街街市的那條斜路兩旁隱藏左唔少既特色小店，
WAFFFLE!就係正正在大熱waffle店green waffle diner再行上多少少
對面亦有午市定必爆場的森壽司。



Green Waffle Diner同Wafffle!唔一樣，
前者serve的係比較方正而軟身的Brussel窩夫，多數係食早餐的配搭
後者反而係近似正宗的Belgium Liege窩夫，屬甜點
每個waffle呈不規則形狀，而且亦比較厚身
表面仲有一層薄薄的脆糖，所以唔駛加任何糖漿都已經可以就咁食



Wafffle!有三款窩夫口味，分別是 Classic、 Devil朱古力味同weekly special
(曾經見過的有raspberry同埋apple & cinnamon, 有咩味真係要睇彩數)

toppings都有幾多選擇: whipped cream, nutella, kiwi jam, strawberry jam,
choco sauce, peanut butter仲有新鮮生果如strawberry, banana同kiwi



Wafffle最低消費係$23既classic (包一個toppings,如上圖)
如果咁岩有位既我絕對recommend大家要vanilla ice-cream!
一冷一熱的滋味 (多謝on duty的那位姐姐另加的choco sauce)
就算食完lunch飽左都想食，下次再來的話我會想要nutella+banana!  



WAFFFLE!
中環嘉咸街41至43號地下B鋪
星期一至日: 11:00-21:00 
http://www.openrice.com/restaurant/sr2.htm?shopid=142693

[食在紅磡] 隱世誠意小店‧金來家 刺身壽司

其實前前後後都去了呢間小店兩三次
偶爾發現都係多謝H先生的介紹。

小店話得係小店就真係唔係坐得太多人
但勝在地方細細同朋友講野都好似cozy D
老闆亦好落力介紹每一道菜，又或者有D咩野係時令

最上面的三文魚蟹肉卷
食得出蟹肉係似鮮拆而唔係一般蟹柳貨色



某一次一早訂左要的加拿大海膽!
海膽超大件，以青瓜配搭一爽一滑，正~
(老闆話如果有D咩特別野想要既都可以訂位時講埋架!)
 
上面亦係老闆推介的卷物
冇記錯係睇落平凡的加州卷之上加料
加州卷同大大粒的三文魚子出奇地好夾!





Order的握りすし當然係即叫即整啦
是日推介有和牛同鵝肝啊 一樣咁肥美
另外值得一提的係中間的醋鯖魚係由老闆自家醃的
食落唔係出面的咁死實同一味得個酸字



老闆話係新作，叫我地試下味而送的
章魚刺身唔點平時點開的wasabi同豉油
用上意大利的olive oil同香草，別有一番風味



除左刺身壽司出色之外，佢地既熱食亦非常唔錯
上面的炸墨魚咀的炸粉唔似平時般的厚
薄得黎真係有酥脆的感覺，如果有啤酒就真係一流喇



另外牛小扒質數真係好靚，
雖然我唔清楚有冇d咩grade，不過食落牛油香出晒黎
唯一有小小小扣分位係個切法係順紋切
所以咬落有少少筋 亦都同師父反映左。



呢碟天婦羅一出場個個嘩聲四起
因為實在炸得太靚喇，蝦隻隻都大隻爽身
仲要睇埋下面張吸油紙真係冇咩油架，師父功架真係唔話得~



最後仲有呢個生朱古力做甜品
質感我覺得真係同royce的有得比喎。



金來家 刺身壽司
紅磡馬頭圍道23-35號H隆基大樓48號地下
Tel: 2333 4121
星期一至六: 11:00-15:00; 18:00-22:00 星期日休息
http://www.openrice.com/restaurant/sr2.htm?shopid=146055

[煮飯仔] Le Creuset 26cm buffet開光禮‧西班牙海鮮飯

緊接上一篇，買左個buffet番黎幾個星期先有時間開光
今次揀左用鬼嫁 (link呢度) 既recipe再改左少少野
相對上次整窩蛋牛煲仔飯黎講，其實我覺得整paella仲容易handle!

[敗家文] Le Creuset Buffet Casserole 26cm

好多人都知上兩個星期LC香港開倉

開倉的第一日我身在日本所以冇得去 (泣)

不過! 經過上次去完輕井澤outlet見到唔買之後自己後悔

結果今次去箱根經過御殿場outlet就....出血了。

H先生幫佢家姐買左個seconds既18cm round cocette

價錢大概$12000yen, 話就話係seconds

但係其實check過都冇咩大花痕, 係個色比本身淺左少少同個蓋有少少唔平

而店入面d姐姐都搵左好多個比我地直至搵到個平既為止

如果係自用的話，其實seconds真係幾抵買架。

而我買左個49%off的26cm buffet casserole set

(連4個ramekin stoneware小杯! 可以用黎當streamer了)

本來係有少少想買marmite的, 但懶得養煲就算了吧 哈哈

下一回: 26 buffet開光禮‧四人份西班牙海鮮飯！

 來開箱一下

一貫橙色的盒子

tada! 26cm的buffet鍋子

跟之前送給H先生的18cm round cocette和grill pan
是同屬blue cobalt這個色系喔。

(本來想買spinach色的但最後發現了這個last one...天意吧)

最後不要臉地出賣一下剪了短髮的自己...。

Le Creuset - Gotenba Premium Outlet
電話:0550-81-3112
地址:静岡県御殿場市深沢1312
網址:http://www.premiumoutlets.co.jp/gotemba