由於上堂既時候係得個睇字既關係, 要成功就當然要番屋企切切實實咁煮一次實習下啦。
Julia Child做的紅酒燉牛肉令好多鐘意煮野食既人都趨之若騖
我就覺得今次做的砵酒慢煮牛肋骨其實就係一個簡化版既紅酒燉牛肉喇。
因為做得真係好隨意, 其實材料既份量亦都唔需要好準確。
兩人份量 (*當晚食仲有薯蓉同鵝肝沙律, 所以份量係偏少的)
牛肋骨 ------------ 大概一磅 , 厚切
(我係去凍肉舖叫老闆切佢地平時大約三塊至四塊的厚度)
洋蔥---------------半個
紅蘿蔔-------------兩條
西芹----------------兩條
百里香 (Thyme) ----------少量
月桂葉 (Bay Leaves)---------兩小塊
紅酒 (pinot noir最好)------------500ml (其實幾多要自己預, 買定一枝平平地一定夠)
砵酒-----------------------------500ml (同上)
1) 首先將牛肋骨融雪, 切成大方塊, 印乾水之後用鹽同黑椒作輕微既調味。
2) 燒熱pan 之後其實油都唔太駛落就可以煎d 牛肋骨, 記得大火燒紅個pan先好落
煎的作用唔係要整熟佢, 而係要每一面都煎到少少金黃色就可以
其實係用黎封住d肉汁同埋一陣燉的時候唔會咁易散開。
3) 大概每面煎一分鐘都已經好ok, 煎好就拎起備用。
4) 切好要用的蔬菜
5) 用煎完牛肋骨既同一隻pan炒蔬菜, 唔駛落油 (因為煎牛肋骨已經會出好多油)
6) 開始覺得都差唔多 (有d軟身) 就可以落Thyme同bay leaves再炒多一陣
7) 燒紅Le Creuset之後將pan入面既蔬菜全部倒過去
放入之前已經煎好左既牛肋骨, 加埋紅酒同砵酒滾起左, 閂蓋轉中火煲多5分鐘
(make sure d汁應該要岩岩好過到d肉同蔬菜)
之後就可以放入已經預熱左到180度既焗爐入面焗2個鐘~2個半鐘咁上下
燉煮左2個鐘之後, 牛肋骨條骨同肉都已經分離左, 好易就可以推出黎。
而牛肉好入味又好淋, 一啲都唔韌!
就連本身邊位嘅脂肪都好似煮到變成融左嘅膠質咁!
我地之後整左普通既薯蓉一齊食, 其實如果夾白飯都應該ok架 : )
