[希臘之夏] 鋪天蓋地的藍與白@米科諾斯島 Mykonos

因為忙左一排, 又打少左好多blog喇
真係要打番密d先得 (笑)


上次提到我地晨早流流搭ferry, 經過5個幾鐘既船程
我地終於黎到Mykonos喇。一落船其實個感覺真係好似去左得藍色同白色既長洲
一眼就見到有一大堆既民宿同酒店既人喺度落力咁sell
不過因為怕真係會冇房既關係, 我地一早就喺booking.com訂好晒成個trip既accommodation


我地揀左一間喺山上既Damianos Hotel 
雖然同Mykonos個town有一段距離, 不過山上冇咁嘈之外個view亦好d。


一出碼頭已經見到佢地個牌, 好彩佢地係包埋port pick-up同drop-off,
唔駛自己搵車咁麻煩 (去到Santorini真係攪到頭都大埋...orz)


佢地既房間係一排排既小白屋, 而我地book左既就正正喺佢地既泳池隔黎
真係一出門口, 5步唔到就可以跳落水喇。不過唔好既係, 因為都好近酒店入口會比較嘈。
(下面圖左面樓梯旁的就係我地間房喇!)


因為我地只係留喺Mykonos一晚, 所以都只係想留喺酒店好好hea下同行下個town就算
miss左好多人會去既paradise beach同去beach party...真係唔話自己老都唔得喇。


繼續出賣H先生肉照 HOHOHO


Hea左陣就行落山去個town行下, 點知...Mykonos D地圖真係冇張準
因為個town係有好多條唔平行既小巷所組成, 正正就係一個「迷宮」
真係就算有好好方向感既人都會好易行錯路, 唯一就係可以搵d名店黎做定點位


例如呢間咁特別既LV 哈哈
真係靠佢我先搵得番間supermarket喺邊咋。
(btw, 原來呢d愛琴海小島既自來水係唔飲得架, 就算煲左都係太重鹽份
所以攪到我地見親有super就要買定幾支大既水黎補給....orz)

 

隨便一片白牆、一個轉角都好似畫咁靚, 真係周圍都可以係instagram呃like之作呀。





Mykonos本身仲有三隻好出名既吉祥物 「鵜鶘」(Pelican)
呢次黎就冇機會見到lu, 不過反而貓貓就見到好多
間直多到好似呢度係貓星人聚居地咁! (心心眼)



不過...問左好多人directions, 結果次次都係比人老點
(所以我先話其實希臘人天生係唔係冇咩方向感架呢?)
最後多得一間Gelato鋪入面的英國人staff, 終於比我搵到佢...


如果大家想黎希臘買Chanel的話, 係唔會搵到有佢地既專門店架,
因為Linea Piu係希臘方面的獨家代理, 成個希臘都係得雅典同Mykonos有店面


袋就買唔起喇, 不過耳環都仲可以既 
最後揀左呢一對, 岩岩好200euro (血已流...)
計埋有大約12%退稅 (當然你買得多個稅率就會再大d)
點都平過香港買既 (自我安慰中...)


出完血我地就爭取時間去行埋D近少少既地標喇
上面呢座純白色既教堂Paraportiani Church喺好多Mykonos既明信片上都有出現過


Mykonos有另一個名叫The Island of the Winds, 所以島上面都有好多座呢d古老既風車
酒店行落去town既途中就有一個喇, 不過呢個都唔夠下面海邊個4個咁地標喇。


卡特.米利風車(Windmill of Kato Mili), 第一個風車仲可以入去睇架添,
不過時間唔多而且要買飛, 結果就係到此一遊影張相就算lu。
風車旁邊就係好出名既Little Venice區, 係一大排既海景bar同餐廳, 消費亦比較貴。



岩岩好行完就開始日落喇...
好多人都會睇岩時間坐喺海邊食住飯飲住酒黎睇日落
呢一日天公造美, 睇完咁大個咁靚既咸蛋黃, 應該到比得上Santorini Oia那個吧。



下一站, Santorini : )

4 Comments:

  1. 回覆
    1. yesss it is the most beautiful one during my trip, had my hopes high on the one at Oia, Santorini but when we got there it was cloudy so it was not the best :-/

      刪除
  2. 希臘真係好靚!!! 好想有機會去下啊 :)

    係你未介紹你買對耳環前, 已經係gelato張相留意到紙袋亮點XD

    回覆刪除
    回覆
    1. 我地去嗰時見到好多人影pre-wedding啊, 你可以考慮下次anniversary去 :)

      刪除

 

連續追看中

WINSOMESOME


人妻一名。番工的理由係為左去食同去旅行。係女人都鐘意買野, 不過近年怕同人迫所以敗家都轉向網購去。名字Winsome的由來純粹是因為讀音似自己的中文名。介紹自己時經常被人誤會我的名字是Vincent,為免麻煩以後總是說:「我係"贏小小"呀!」。

Just a place for my little ramblings.
聯絡請電郵emosniw[at]gmail.com
FB page @winsomesomething