[Melbourne] 一帽子的超凡asian-fusion菜.Supernormal

番Melbourne之前都做左好多功課要睇下食咩野,不過因為時間唔多,只可以有限度咁選擇。而今次要同大家介紹的就係on my must-eat list的其中一間:Supernormal

同Cumulus Inc一樣由名廚Andrew McConnell開設的asian fusion餐廳,Supernormal正正就係McConnell集合取材自佢喺上海同香港工作時經驗同靈感嘅成果。




雖然開左唔係好耐,但已經超人氣!而且仲要喺2015年度嘅Good Food Guide得到同Cumulus Inc一樣的一帽子評價!(前幾篇都有同大家講過,Melbourne行的唔係米芝蓮計分system,而係用The Age Good Food Guide的幾多頂帽去評定餐廳的。)


同Cumulus Inc一樣位於Melbourne CBD的Flinders Lane內

Flinders Lane呢條小街間直係老饕天堂,由Movida,Cumulus Inc甚至近來火紅的Chin Chin都藏身於此,星期五六晚呢度真係間間出面都有一條等位人龍!Supernormal選擇喺呢度開都十分合理。不過好在Supernormal提供網上訂座服務,唔想有排等就最好一早訂定位先喇。


餐廳interior唔係特別asian,反而同Cumulus Inc差唔多都係簡約系


連menu都係就咁搵個文件clip夾埋就算,究竟係求其定係特登?

因為只係食lunch的關係,我同H先生冇揀到任何main dish
反而pick左兩個small dish,一個包(!)同埋一個甜品。


Smoked Beef, Mustard Leaf & Clam mayonnaise (AUD$17)

首先上檯的有呢碟Smoked Beef,睇menu都唔覺原來係steak tartare!
Smoked beef因為仲係生生地,所以非常juicy,而且仲有淡淡的壎木味道
Mustard Leaf亦係另一個點睛位,唔似平時steak tartare個汁d芥辣真係咁重味道
食嘅時候當然係將所有材料大兜亂,mix好先至食啦。


Spicy beef tongue, pickled chilli & pigs ear (AUD$14)

呢碟又係另一個驚喜,本身係因為我怕辣所以真係會驚食唔到
點知黎到又ok喎,個汁其實係帶少少甜,個感覺似係四川mix左泡菜(!)
牛舌切成丁狀,好有咬口而且份量唔少。
夾埋京蔥絲同埋炸香左嘅豬耳絲,好想encore!


New English Lobster Bun (AUD$16 each)

呢個包雖然細細,不過就索價足足$16 (而家澳仔$1=$6,即係差唔多HKD$96!)
點解一個包仔會咁貴?正正就係因為餡料用上鮮拆龍蝦肉!個包亦好香牛油味
貴就真係好貴,所以我同H先生都係平食兩個人share一個就算喇。
原本呢個包係McConnell另一間餐廳Golden Fields嘅招牌食品
但係因為Golden Fields要改建成為Luxemberg,所以就搬左佢過黎Supernormal喇。


Peanut Butter Parfait, Salted Caramel & Soft Chocolate (AUD$15)

最後的甜品亦係最精彩的一道
從來都討厭花生醬的我,竟然食到停唔到口
個parfait其實係一舊比較硬身的雪糕,但係佢冇平時花生醬的膩口感
加上salted caramel同花生碎;有硬,有脆,有滑!
口中留下的只係滿滿的幸福感啊。



如果你問我的話,我諗Supernormal已經surpass左Cumulus Inc。
下一次番Melbourne,要向二帽子的Cutler & Co.進發吧?



Supernormal
180 Flinders Lane, Melbourne CBD, VIC 3000
Tel:(+61)3 9650 8688
Opening hours:星期日至星期四:11AM – 11PM/星期五及星期六:11AM – 12MN
http://www.supernormal.net.au (訂座click呢度

1 Comments:

  1. Many gamers make this mistake in order that they claim reload presents simply permit them to} accumulate more cash. Reload prizes should solely be used if a scenario requires, which means when you could have} a nasty beat and you want a money injection to maintain your game going. It is hard to imagine but many inexperienced gamers will forfeit their welcoming gifts including money or free spins, pondering that these don’t matter a lot. Nothing can be farther from the truth, as a result of|as a outcome of} having some few additional bucks on your account may be the distinction between hitting a 온라인카지노 jackpot or going residence empty-handed. Take each offer that you can get irrespective of how small it may be and provides your self an excellent headstart before placing your first wager.

    回覆刪除

 

連續追看中

WINSOMESOME


人妻一名。番工的理由係為左去食同去旅行。係女人都鐘意買野, 不過近年怕同人迫所以敗家都轉向網購去。名字Winsome的由來純粹是因為讀音似自己的中文名。介紹自己時經常被人誤會我的名字是Vincent,為免麻煩以後總是說:「我係"贏小小"呀!」。

Just a place for my little ramblings.
聯絡請電郵emosniw[at]gmail.com
FB page @winsomesomething