[台北兩日半] 芒果大冰山 ‧ 冰館 Ice Monster

呢幾日香港熱到三十幾度
除左想癡住喺有冷氣嘅地方唔出外面之外
更加令我掛住台北嘅冰館 Ice Monster!



本身開喺永康街嘅冰館，
2012年中搬左過黎東區之後條龍一樣冇。短。過。
時為10月(都唔算太熱架喇) 都一樣要排成30分鐘先入到去!



好彩的話排排下都會有姐姐派下呢d小冰條比你試食
嗚，可惜我地食完出番黎佢先開始派



ICE MONSTER周圍都有呢個咁得意嘅大叔icon
見佢地有d櫥窗有膠figure, 本身諗住問下有冇得買
一問之下先知原來係岩岩搬黎既時候面書粉絲頁的禮物 嗚



左:紙巾係大叔樣! 紙巾盒都係大叔樣!
     連d野食ok叫你埋去拎既震震機都係大。叔。樣!!!

右:食左冇耐之後有姐姐拎左呢個試食版過黎
     check過menu應該係「綠豆仙草粉粿冰」。
     綠豆都煲到好融，d仙草同粉粿都係qq彈彈
     如台灣人話齋，呢杯野真係幾有「古早」味架



我同H先生各自都叫左一個冰...
真係大到呢，食完真係飽左 (加埋凍到痺左!!!)
ICE MONSTER除左有普通的刨冰之外，仲有多人揀D既綿花冰 : )
(半年之後寫呢篇blog, 佢地而家menu連熱食既甜品都有喇!)



左: H先生的「綜合水果冰」 NT$180
      係刨冰山上加左黑糖蜜, 上面再鋪左愛文芒果，奇異果同士多啤梨
      仲要加多個芒果雪糕(定係sorbet黎呢?)!!!
      料係多，不過食到一半d冰會開始冇咩味 orz

右: 我的「鮮芒果綿花甜」NT$200
      一黎既時間我比左個名佢..."mango madness explosion"!!!
      綿花冰比刨冰好係因為就算食到一半都會有味!
      真係岩晒我地呢d芒果癡啊。



ICE MONSTER
台北市大安區忠孝東路四段297號
Tel: 02-8771-3263
星期一至星期日 10:30~23:30
http://www.ice-monster.com/