![](http://farm3.staticflickr.com/2811/12630053973_05dce5fa6e_c.jpg)
本來番Melbourne都係好隨心咁起身諗到去邊就去邊
但係唯獨是去呢個VegOut Farmers' Market
就係早喺出發之前已經約定朋友一齊去
![](http://farm3.staticflickr.com/2893/12630044263_b4b3aa0eab_c.jpg)
Melbourne除左好似Prahran Market同QVM呢D固定街市好好行之外,
仲有好多呢D一個星期/一個月先開得一次既市集仔有好多野睇!
一早約定既原因正正係因為呢個market本身係一個月先得一次
今次呢個正正係因為夏天日照長而加開的星期三twilight「特別場」!
![](http://farm6.staticflickr.com/5499/12629919825_6cb03b05dd_c.jpg)
今次地點位於Melbourne入面最近市中心的沙灘St. Kilda Beach旁邊
由市中心出發只要喺Bourke Street搭向St. Kilda Beach方向既96號tram
大約半個鐘內就會到架喇! 一落車仲會見到好出名既Luna Park遊樂場添。
![](http://farm6.staticflickr.com/5488/12629910795_ed6bbd237d_c.jpg)
Veg Out Farmers' market顧名思義, 入面既檔攤大多數都係賣本地既農產品
除左蔬菜之外, 仲會有自家製的蜜糖, 肉類, 糖果, 乳製品, 同埋有少量海鮮!
![](https://blogger.googleusercontent.com/img/b/R29vZ2xl/AVvXsEhGxsiOuIKWl0GxFXbvoOPl4zMcR7JUMjgiJGE9mBmFP6Sy3gBLzmTb48RVsrOO2Ncy1TJuf2qbyKDihDA_PYOS5G4sfe8IrYeK4xqpjd_7MV0Jw1pElZ6vwdTklQTOBJCrHL3gdFWWrJUL/s640/Screen+Shot+2015-11-30+at+1.23.32+PM.png)
全部都係市郊一啲小型, 甚至係家庭式經營的小店。
分別係唔駛自駕周圍搵, 而家一個地方有齊晒! 感覺其實有少少似Island East Market呢。
![](https://blogger.googleusercontent.com/img/b/R29vZ2xl/AVvXsEjOa384L2hfoGNBV4jA-_foDzRk-dLYY88zr46ms4Bf9Yot29OrdEen6VT8NIuBeAhqlnb9rgZp9nhjCa9NKc9FyzKUyMy8IPk9_AWQhWRNffE3mcYh0ZNfDnDI7XtMGpnWRJH1J5fKrFvi/s1600/12629744725_62a03a5588_c.jpg)
我去呢個market的其中一個目標, 就係呢間好名既Sunny Ridge Strawberry farm
其實好多Melbourne既local tour都會去佢地喺Mornington Peninsula既farm摘士多啤梨
之前讀書時我都去過兩三次lu。
![](https://c2.staticflickr.com/6/5750/23387676996_8201c1b3c0_b.jpg)
佢地除左新鮮士多啤梨之外, 近年老闆既仔女仲用士多啤梨黎釀酒,
製成名為"Strawbellini" 既Strawberry Moscato!
三年前同H先生去玩既時候買左一支, 帶左番香港飲晒之後一直念念不忘
呢次咁岩有機會, 一買就買左三支喇。 (仲要岩岩有特價添)
![](http://farm8.staticflickr.com/7369/12630356854_c17c9f2d71_c.jpg)
行完market之後行番出去beach
雖然正夕夏天, 不過好彩有d海風所以都未至於好熱!
不過海灘上面真係有好多人! 真係唔明點解佢地好似唔駛番工咁既...?
![](http://farm4.staticflickr.com/3761/12630028143_65726fd80a_c.jpg)
行到beack espanlade一半左右仲會見到呢條St. Kilda Pier
老老實實好多人黎Melbourne都會去Philip Island睇企鵝仔
其實喺夜晚黎St Kilda Pier行到盡頭亦都有一個penguin sanctuary!
唔駛比錢, 唔駛搭4個鐘車一樣有得睇! 不過就要自律唔好開閃光燈喇。
![](http://farm4.staticflickr.com/3694/12630345964_281a3a23ba_c.jpg)
講個小秘密大家知啦...
上次我身處呢個地方, 就正正係我同H先生正式開始的時候
所以今次得自己一個人番去真係感覺有D幾alone架...
H先生, 下次可唔可以唔好要我自己一個人番去呀? (淚奔~~~)
VEG OUT ST KILDA FARMERS' MARKET
Peanut Farm Reserve @ Chaucer Street, St. Kilda VIC
每月逢第一個星期六8:30am - 1pm
http://www.vegout.asn.au/farmersmarket.html
伸延閱讀: 我回來了.一個人的回憶之旅.行程總覽
行程總覽
[Day 1] Big mama --> CBD --> Cumulus Inc (1)
[Day 2] Melbourne Uni --> Seven Seeds --> VegOut Farmer's Market --> St Kilda Beach --> Hosier Lane --> MoVida --> Cumulus Inc (2)
[Day 3] Brother Baba Budan --> Union Lane -->Little Collins Street--> ACMI/Federation Square --> Southbank (Boost) --> South Wharf DFO Outlet
[Day 4] Two Birds One Stone --> Chapel Street --> Prahran Market --> Brighton Beach --> Hammer & Tong --> Max Brenner Chocolate
[Day 5] Proud Mary --> Messina Gelato Fitzroy --> Chadstone Shopping Centre --> Cumulus Up --> Koko Black
[Day 6] Queen Victoria Market --> Gekkanzan --> Bourke Street Mall --> Woolworths@QV
[Day 7] Prahran Market --> Market Lane Coffee --> Melbourne Central --> Pho Dzung
我都好喜歡逛Farmer's Market =) Melbourne賣D野都同我呢邊好似呢!
回覆刪除hehe 係啊, 最衰HK真係唔多呢D market啦 : (
刪除