真係好懶, 開始積埋好多野,
melbourne仲有一兩篇, KL 應該想放棄, 希臘番左黎一個月應該要開始...
中間仲要夾雜左好多出街食 (呀呀呀呀呀)
就由呢一篇resume一下我的肥膩食記吧!
前排好多雜誌同blog都有推介過呢間開左冇耐的甜品店
同其他甜品店有d唔同既地方係, 佢係主‧打.芒‧果.的! (仲要係台灣既愛文芒果!)
嘩, 「芒果」呢兩隻字就直情打中晒我既死穴, 唔去一試真係愧為一個芒果控呀。
好彩食飯食得早, 去到等左一張檯就有位
坐左入去之後唔夠5分鐘出面已經有成條人龍
大家如果想去食記得要早d去 (話說佢地好似開到凌晨2點, 一係就遲d先去吧啦)
一打開menu, wow咁多樣揀咩好呢? 我樣樣都好想食喎。
其實呢九宮格呢, 只係分左3款唔同既, 同埋3個大細之分
分別係就咁綿花冰, 挫冰(即係刨冰啦) 同埋 綿花冰挫冰mix
oh, 簡單啦咁, 當然係一款試晒兩樣啦! 叫中間size仲要多個雪糕球添。
不過我地得3個人, 仲想另外叫多個waffle, 所以只係要左中間size的「舊情人」
「舊情人」呢個名其實對我唔係咁applicable喎 哈哈
因為我由始至終都係對芒果一條心，就算有士多啤梨呢個fling，芒果對我都係大婆黎 (笑)
賣相真係唔錯，睇落好大份好似個小山咁!
不過食落就有少少失望，綿花冰同挫冰都冇乜味，雪糕都係普通，但唔算特出。
可能我一向都係呂宋芒, 印度Alphoso同澳洲Kensignton Pride的粉絲
台灣愛文芒果相對而言真係比上面講既「淡口」好多吧?
不過特別之處係店員介紹加少少海鹽落d芒果冰度,
咦, 唔知係唔係心理作用的關係, 食落真係多左d層次同埋冇咁淡喎!
Mangochacha除左冰品之外仲有一系列既香港限定特色芒果甜品,
所以我地另外仲叫左呢個叫「甜蜜夾心」的waffle ($68)
窩夫新鮮烘起, 夾住whipped cream同埋芒果雪糕,
出面暖脆而入面凍滑, 口感一流呀。
(狂想) 如果佢地唔係只係做愛文芒果,
會有其他芒果既品種, 我諗應該更加有得做...
MangoChaCha
尖沙咀漆咸道南33-35號友聯大廈地下5號舖
Tel: (+852) 2723 2777
星期日至四: 14:00–01:00 星期五、六及公眾假期: 14:00-02:00
http://www.openrice.com/restaurant/sr2.htm?shopid=167264
0 Comments:
發佈留言