[希臘之夏] 向小島出發! 由Piraeus Port到Mykonos的「大輪」上

好多人去希臘除左去首都Athens睇歷史古蹟之外
仲會去the Cyclades呢d愛琴海小島relax下
我地今次個trip就揀左最多人去既Mykonos(米科諾斯島)同埋Santorini(聖托里尼島)



而去呢d小島好多時都有個好麻煩既問題: 交通
因為佢地唔似我地去長洲南丫島咁近,
由雅典出發的話, 一係要搭一個鐘domestic flight
一係就搭6, 7個鐘既ferry (有快慢船之分) 不過兩者票價差近一倍!
淨係諗同埋book呢堆交通都係我地去邊個島, 同埋去幾多日既重要關鍵。
考慮左好多野之後我地結果都係揀左搭船, 不過因為怕去到先買會冇位
所以出發之前搵左間agent幫我地book晒所有船飛, 去到雅典機場就有得pick-up喇。



不過我地到0個日去Mykonos既船得朝早, 所以第一日由多哈飛左5個鐘到雅典之後,
我地都係要喺雅典最大既Piraeus Port附近stay一晚, 第二朝一早先去搭船。



雖然佢地係叫Ferry, 慢船就其實大到似郵輪咁, 仲要分晒class可以有獨立房。
而快船就會好似去澳門d turbojet咁樣, size細d 不過出到海大風就會拋好多。



由Pireaus Port出發, 其實坐左唔夠一個鐘已經會見到無‧邊‧無‧際的一片藍色!

本身我地坐既係內艙既air seat, 不過見天氣好好
就行左上去top deck晒下太陽咁啦 : )



好樣衰添 :shy:



6個鐘有咩好做, 就梗係早有準備啦 哈哈哈哈
(真係一d都唔夾囉件事)

下一篇, 我地去鋪天蓋地的藍與白小島Mykonos!